Om förskolan på arli
Här hittar du informationsmaterial om förskolan på arli. Det finns också en informationsfilm textad på arli.
E čhavorengo sikljovibe hem razvijibe ko fokus
To čhavoro sikljola neve buča ki angli-škola hem razvijinipe adžahar so čheljelapse, čerela buča hem istražini kokri, averencar ki grupa hem barabar e phurederencar. I edukacija ki angli-škola tano temelji kotar džanibaso sikljovibe ko dživdipe. Ki angli-škola dela pe e čhavorese sikljovibe kova stimulirini hem dela izazovija kola isi ko sikljovibaso plani. Adžahar so čitineja e anglo-školako sikljovibaso plani šaj te dikhe save ciljija hem zadatkija isimen. O sikljovibaso plani isi ko skolverket.se.
Zabavno, sigurno hem pherdo sikljoviba
Ki angli-škola o čhavore dobinena nega hem amen sarađujina tuva te šaj to čhavoro te osetinipe sigurno amencar. Akate o čhave dobinena podrška te razvijinen pe zavisno ando oljenge potrebe. Ko jekh zabavno način iskoristina oljengi radoznalost hem i želja te sikljon. E čhavorenge interesovanja, mislibe hem potrebe utičinena ko odova sar amen planirina o sikljovibe.
Keda to čhavo počmini ki angli-škola
Šaj te ovel but nezgodno te ačhave te čhave džikase averese prvo puti. Odoljese i angliškola počini adžahar so čerela pe jekh introdukcija hem tuče hem te čhavese. Ki odija introdukcija, tu šaj te puče e manušen kola čerena buti uduri hem te phene so valjani te čhavorese. Ki kupa rodena so isi hem otkrinena so isi uzi angli-škola, ama hem pendžarena pošukar sar e manušen kola čerena buti uduri adžahar hem neve amaljen.
Amen razvijina i angli-škola ki kupa
O manuša kola čerena buti ki angli-škola paše sarađujinena tuva. Ko akava način to čhavoro dobini šukar nega hem šajipe te razvijini pe baš sar so to čhavoro rodela. Amen nudina muabeti kotar razvijibe (utvecklingssamtal) kuri tumencar vačera sar toklo čhavoro osetini pe akate, save potrebe isilje, ando oljeso napredak hem sikljovibe. Isi pana disave situacije hem forumija dialogese kola dena tut šajipe te učestvujine. Svako berš šaj te odgovorine ki jekh anketa kuri isi pučiba ando to mišljenje andi angliškola. Teklje odgovorija pomožinena amen te ova pošukar hem te bajračera amari buti.
Sa o čhavore isiljen ista prava
Sa o čhavore isiljen pravo ki jekh sredina kuri osetinena pe sigurno hem stimulisano, kuri nane diskriminacija hem ponižavajućo ponašibe. Amen čera aktivno buti, svako čhavoro te ovelje jekh prava hem te na ovel nisavo ponižavajuće forme. Vačer džikasa ko čerela buti ki angli-škola te mangeja te džane pobuter ando odova sar amen čera buti ko čhavorenge pravija hem ando UN-konvencija ando čhavorenge pravija.
Zainteresimo ando anglo-škole uzo tute?
Da lji alo o vakti te birine jekh angli-škola? Ko goteborg.se/forskola šaj te arakhe informacije hem kontakt ando sa o anglo-škole ki Geteborg. Disave šaj te vičine tut ko sastanke kuri dena pe informacije, averen šaj tu te vičine hem te zakazine te dža te dikhe. Amen ka ova but bahtalje te vičijanmen!
O than ki angli-škola
- Keda to čhavoro pherdža jekh berš, šaj te džal ki angli-škola dži tu čereja buti ja studirineja.
- Te ljeljan te roditeljenga slobodna dive (föräldraledig) a isi tut pana jekh čhavoro, to čhavoro šaj te džal ki angli-škola 15 satija ko kurko. Ako rodeja buti, šaj te birine da lji mangeja to čhavoro te džal ki angli-škola 15 ja 25 satija ko kurko. I angli škola odlučini sar o vakti kova tu birijan ka rasporedini pe ko kurko.
- Ando masek avgust ko berš keda to čhavoro pherela 3 berš, o čhavoro isilje pravo ki angli-škola 15 satija ko kurko, biparengo. Sa prekalo 15 sati platineja tu kokri.
- Ando jeseneso termini, ko berš keda to čhavoro pherela 6 berš tani i škola obavezno. Tegani o čhavoro počini te džal ko anglo-školako razred ki osnovno škola.
- Arakh angli-škola hem rode o than ko goteborg.se/forskola
I Predskola i phravdi
Keda to chsvo pochminela ki predskola valajni te popuninen i shema ki aplikacija IST Home Skola. I shema ka sikavol o vreme keda te chaveske i porebno te ovol ki predshkola,zavisno taro tlo rabotno vreme hem plus o putuiba.E chavengiri shema zavisinela kotar e predskolakoro vreme keda i phravdo hem e personaleskoro rabotno vreme.Te isi tut potreba te promenine i shema shaj te kere odova ki aplikacija ili ka obavestine i predsola pismeno, najharica duj kurke angleder. O privremeno promene ki shema shaj te kerenpes jek dive angleder.
Ograničimo ked hijam phravde
Nilajese o anglo-škole isiljen ograničimo bučako vakti. Te teklje čhavorese valjani nega ko akava period, isi nekobor angloškole kola tane phravde nilajese. Te šaj o manuša kola čerena buti ko angloškole te dobinen zajednička dive kuri šaj pobuter te sikljon andi pi buti, o anglo-škole isiljen nekobor esavke studiribase-dive ko berš. Ako nane tu šajipe te ove slobodno ko akala studiribase-dive, isi šajipe te dža ki aver zabavište, ama na te ovel but than uduri. Akate šaj te arakhe aktuelna raspustija hem studiribase-dive (studiedagar): goteborg.se/forskola.
Amen dokumentujina
O tekstija, o slike, o audio-video snimkja pomožinena amen te dokumentujina hem te dikha sar džala e čhavorengo razvijibe hem sikljovibe. Esavki dokumentacija dela amen šajipe e arakha so odova so džangavi e čhavoreso interes hem sar on sikljona ko razna situacije. Akava pomožinimen te formirina hem bajračera i edukacija.
Unikum
Unikum i jek aplikacija kote so shaj te pratine te chave svako dive so kerela., o razvoj hem sikjloviba ki predsola.Ko Unikum isi dokumentija hem vazno informacije kotari predskola.Le kotar o App Store ili Google Play.Tu shaj isto te kuve ko webb start.unikum.net
O obrokja – i jek kotor
kotaro sikljoviba Ki predskola o obrokija i jek kotor kotari nega hem o pedagoshko keriba buti. Svako dive servirinelapes doruchek , ruchko hem uzina.O obrokija i sostavme otpilike 70 procent kotari dnevno potreba, te haljapes sa o obrokija. Ko Göteborgs Stad keraja buti ekoloshko e haibaja.O ekoloshko haiba i bazirime ko eko-oznachime hem sezonsko sirovine kola so i bogato zarzavatencar hem legumia. Dali i potrebno te chaveske specialno haiba? Tegani valjani te popunine o formulari so isi ki e predskolkari webbstrana.
Zabranime o orašasta plodja hem o kikiriki
Ki angli-škola tano zabranimo te anel pe ja te servirini pe orašasta plodja, kikiriki, bademja hem susam. Odova sose on šaj te izazovinen ozbiljna alergije ko okoljende kola isiljen alergije. I zabrana važini ande hem avrijal ko anglo-škole, svako dive hem sa o dive ko kurko.
Te toklo čhavoro nabormo
O čhavore mora te oven saste te šaj te čheljenpse hem te oven averencar ko razna aktivitetija. Te na naborsaljon, ičeri pe i angli-škola o instrukcije kola dije o Västra Götalandsregionen, hygiensjuksköterska i förskolan (HYFS).
To čhavoro valjani te ačhol čhere:
- Keda to čhavoro tano čhindo hem ked nanelje zoraljipe te ovel ko angleškolake aktivitetija.
- Keda o čhavoro isilje temperatura. O čhavoro valjani te ovel bizo temperatura jekh dive angljeder te ačhavalje ki angli škola.
- Keda o čhavoro isilje disavo zarazno nabormipe. Sar ko primer: upala ko krlo kova na sasčari pe ja kova hine sasčardo pohari ando duj dive.
- Keda o čhavoro isilje infektirimi rana ja ekcemi kova tano panjalo. O čhavoro šaj te irini ki angli-škola ked i rana šučilji.
- Keda e čhavore dukhala o vodži plus čhadela ja isilje dijareja. O čhavoro šaj te irini ki angli-škola ked halja normalno hem na čhadlja ko palune 48 satija.
Podrška hem savet
Ki angli-škola sa o čhavore isiljen šajipe te razvijinen pe hem te osetinen pe šukar. Amen sarađujina e specijalna pedagogencar, logopedencar hem psihologencar. Te džane so te čhavorese valjani posebno pomožibe, pisin ando odova ko formulari ked rodeja than. I angli-škola sarađujini hem e Čhavorenge sastipasa, Socijalno služba, Biblioteka, Osnovna škola hem avera organizacije kola isilje kontakt e čhavorencar hem e organizacijencar. I Geteborg komuna hem o regioni Västra Götaland nudinena e roditeljendže podrška hem inspiracija. Sar ko primer, čedipe avere roditeljencar ja te rese jekhe socionome kova dela savetija. Dikh so ando odova isi othe kuri tu bešeja ko goteborg.se/foraldrastod.
Zavet čutibaso hem obaveza te prijavine
Sarine kola čerena buti ki angli-škola isiljen čutibaso zavet kova značini so našti te den o personalna informacije ando to čhavoro džikase ko nanelje pravo ko odova. On isiljen hem obaveza te prijavinen diso premalo zakon ando socijalno služba. Odova značini so sarine kola čerena buti e čhavorencar hem e ternencar isiljen obaveza direktno te prijavinen ki socijala te ki bi buti saznajindže ja sumnjinena so o čhavoro doživini diso lošno.
Sa o čhavore tane osigurime
Sa o čhavore ja o učenikja ko škole kola tane prijavime ki Geteborg tane osigurime ako bi ovela dijekh nezgoda hem odova celo dive dži kote isiljen 17 berš, ja dži kote džana ki srednjo škola. O osiguranje važini samo ko nezgode. Pobuter ando čhavorengo hem e učenikongo osiguranje šaj te čitine ko goteborg.se/forskola.
Platibe i angli-škola
Svako masek platineja tu jekh suma e thanese ki angli-škola. Kobor but ka platine zavisini andi čheresi ukupno ekonomija. Tu šaj te prijavine ja te promine o informacije andi ekonomija, a hem te dikhe sar amen račujina ko goteborg.se/forskola.
Predskolakiri administracija
E predskolakiri administracija i odgovorno otprilike 360 komunalno predskolenge, 40 familijarno detsko gradinke hem 21 phravde predshkole otprilke 25 000 chavenge ko Göteborg. I predskolsko administracija isto i odgovorno bashi o nadzor e nezavisno hem familijarno chavengere gradinke. Totalno kerena buti otprilike 8 900 sorabotnikija ki predskolsko administracija.
Informationsmaterial på arli
Kontakta förskoleservice
Har du synpunkter eller frågor om förskolan så kan du kontakta förskoleservice.
Besöksadress
Gamlestads Torg 5
[{
"type":"Feature",
"geometry":{
"type":"Point",
"coordinates":[12.004993970299916,57.727959886790366]
},
"properties":{
"title":"Förskoleservice",
"content":"Gamlestads Torg 5"
}
}]
Postadress
Box 1116
405 23 Göteborg