Till sidans huvudinnehåll

Om förskolan på lovari


Här hittar du informationsmaterial om förskolan på lovari. Det finns också en informationsfilm textad på lovari.

Shavorengo sicharipe thaj progresso ando centro

Ande przedshkola sichol chiro shavoro neve bajura thaj barol kana khelel pe, kheravel bajura thaj rhodel jekzeno/jekzeni, ande gruppa thaj khetanes dorosli manushensa. E edukacia ande przedshkola shuvel o grundo pe jek intrego trajo kaj site sichos. Ande przedshkola si andre edukacia kaj del shavoren stimulacia te gindon jekzene kusa plano ande edukacia kaj si o grundo. Kana ginaves la przedshkolako sicharimasko plano shaj zanes majbut save bucha amen si. O sicharimasko plano si po skolverket.se

Vojako, securno thaj edukativno

Ande przedshkola las sama pala le shavora thaj kheras buchi tusa chiro shavoro te acharel pe securno amende. Kathe len le shavora supporto te baron pala kodo so trobuj le. Kusa letki metodi inkras ame le shavorengo kamipe te sichon. Le shavorenge gindura, interesura tahj opiniji del effekto sar ame kheras plano pe edukacia. 

Kana chiro shavoro kezdij ande przedshkola

Te mukhes chire shavores kaj kaver manush angluno razo shaj avel phares. Anda kode kezdij pe e angluni vrama ande przedshkola kusa jek introdukcia tuke thaj chire shavoreske. Thela introdukcia shaj pushes katar o personalo thaj te phenes so trobuj chire shavores. Khetanes rhoden thaj arakhen sar si ande przedshkola thaj zanen le personalos thaj le neve amalen majfeder.

Ame kheras progresso pe przedshkola khetanes

La przedshkolako personalo kheren buchi pashe tusa te shaj lel chiro shavoro lasho zutipe thaj shajipe te barol pala peske chansi ando trajo. Ame das shajipe kaj progressake diskusiji kaj ame khetanes vorbisaras sar si chie shavoreske, so trobuj les/la, progresso thaj sicharipe. Si vi but kaver vrami thaj forumura po dialogo kaj del tu chansa te les udzalo. Sako bersh shaj des atveto pe jek enketa pushimatonsa kaj phenes so tu gindos pa przedshkola. Chire atvetura zutin ame te zuraras thaj te vazdas amari buchi.

Sa le shavorenge chachimata si sa kasave

Intregi shavora si le chachipe kaj jek securno thaj stimulativno eniviromento kaj naj diskriminacia thaj nasulipe. Ame kheras aktivno buchi anda chachimata shavorenge kaj site aven sa kasave thaj karing intregi formi diskriminaciake. Vorbin le przedshkolake personalosa te kames te djanes majbut sara me kheras buchi kusa sa kasave chachimata savorenge thaj e FN:oski konventia pa shavorenge chachimata.

Kames te zanes majbut pa przedshkoli krujal tute?

Avilas e vrama te alos jek przedshkola? Po goteborg.se/forskola si informacia thaj kontaktoski informacia pa intregi przedshkoli ando foro Göteborg. Ande unji shaj avel pe informacia, ande kaver site kheres telefono te les jek informaciako khidipe. Ame loshas te lesa amentsa kontako!

Than ande przedshkola

  • Kana chiro shavoro pherdzilas jekhe bershesko shaj djal ande przedshkola te kheresa buchi vaj te studiulisa.
  • Te san khere phralesa/phejasa shaj chiro shavoro avel 15 chasura ando kurko ande przedshkola. Te rhodes buchi shaj alos chi kames chire shavores 15 vaj 25 chasura ando kurko pe przedshkola. Te przedshkola alon sar e vrama si te avel uladi thela o kurko.
  • De katar o augusti shon kana chiro shavoro pherdzol trine bershengo/bershengi si le chachipe kaj przedshkola po jiva 15 chasura ando kurko. Tu pochines pe vrama kaj si opral e 15 chasura.
  • De katar e tomnaki termina kana chiro shavoro pherdzol 6 bershengo/bershengi musaj te zal ande shkola. Atunchi kezdij o shavoro jek przedshkolaki klassa ande grundoski shkola.

Arakh przedshkola thaj rhode than po goteborg.se/forskola

Angluni školaki puterdi vriama

Kana čiro šavoro lel pe ande angluni škola atunči site pheres jekh schema ando app IST Home Skola. E schema trubuj te sikavel kudola časuri kai trubuj te aven čiro šavo kai angluni škola, si te avel sama vi čiri bučaki vriama thaj tradimaski vriama. Le šavorengi schema porončil kana avela puterdi e angluni škola thaj le žjenengi bučaki vriama so keren buči kotse. Te si ke trubuj te paruves e schema keresa kudo ando app vaj kontaktis la škola skirimasa, o mai tsera duj kurke mai anglal. Čigne parujimata temporar šai keres jekh djes mai anglal. Te si ke trubuj tut žutipe le šavorentca rači vaj savato kurko si anglune školi kai si puterde antrego riat. Kana san tu libro vi čo šavoro si libro.

Limitovani phuterde vrami

Thela milaj si le przedshkolen limitovani phuterde vrami. Te trobuj chire shavores te lel sama varekon pala leste/late thela kadi vrama si unji przedshkoli phuterde milaje. Te shaj das le personalos ande le przedshkoli shajipe te vazden pengo kompetenso si ame unji studiake djesa sako bersh. Tena naj tu chansa te aves volno thela kadal djesa, da same chansa kaj przedshkola, ferik ke limitovano ande unji alosarde przedshkoli. Tu arakhes aktualni volni vrami katar e przedshkola thaj studiake djes po goteborg.se/forskola.

Ame kheras buchi dokumentaciasa

Kusa zutipe katar sar exemplo texto, patretura hango-thaj video kheras ame obserbacia thaj dokumentacia pe shavorengo progresso thaj sicharipe. E dokumentacia del ame shajipe te das pe dosh so vazdel le shavorengo intereso thaj sar von sichon ande ruzni situaciji. Kado zutij ame te formulisaras thaj te bararas e edukacia.

Unikum

O Unikum si jekh app kai tu šai les sama so kerel čo šavoro, sar žjal angle thaj sar sičol ande angluni škola. Ando Unikom si dokumentatcia thaj važno informatcia katar e angluni škola. Šai les tele kado app katar App store vaj Google play. Vi šai des andre ando kado webb start.unikum.net

O xabe - jekh kothor anda sičaripe

Ande angluni škola si e vriama le xabeneski jekh kothor anda pedagogisko buči. Svako djes servin sniadanie (angluno xabe), maškaruno xabe thaj paluno xabe. Le xabenata si kade šutine ke le šavore len 70 procenturi ande le djesesko trubupe, te xana sa le xabenata. Ando foro Göteborgo ame keras buči le xabenentca kai si malade pala miljö. Le xabenata si bazime thaj pečetime pala miljö thaj malade produkturia vorta pala e vriama kai si laše zelenimata thaj pirjange zelenimata. Trubuj če šavores specialnio xabe? Atunči trubus te pheres andre jekh ram kai si pe la školako webboski rig.

Naj slobodo pendeha/akhora

Naj slobodo te anes andre thaj te des pendeha/akhora thaj sesam ande le przedshkoli, ke shaj den zurale allergiji unji zenenge. Kado naj slobodo ande przedshkolake lokalura vi avral thaj vi andre intergo vrama thaj vi intregi djesa.

Te avla chiro shavoro nasvalo/nasvali

Le shavora musaj te aven saste te shaj khelen pet haj te len udzalo pe aktivitetura ande przedshkola. Tena nasvajven so de ferik zal inkrel e przedshkola le linji dine katar o Västra Götalandsregionen, hygiensjukskoterska i förskolan (HYFS).

Atunchi si te avel chiro shavoro khere

  • Kana chiro shavoro si kade khino/khini ke chi birij te kherel le normalni aktivitetura ande przedshkola.
  • Kana e shavores goronchka. Le shavores naj te avel goronchka jek intrego djes zipon mekhes les/la ande przedshkola.
  • Kana si le shavores nasvalipe kaj shaj pherel majdur, sar exemplo halsfluss kaj chi las medicina vaj las medicina maj cera sar duj djes.
  • Kana si le shavores infektovani rani vaj eksema kaj si kindi. O shavoro shaj djal ande przedshkola te shuchile le rani.
  • Kana si o shavoro nasvalo po per thaj shadel vaj si les/la diarré. O shavoro shaj avel ande przedshkola kana halas normalnie thaj chi shaglas vaj nas les/la diarré thela 48 chasura.

Zutipe thaj supporto

Ande przedshkola site avel intregone shavoren shajipe te kheren progesso thaj te acharen pe mishto. Ame kheras buchi specialni pedagogonsa, logopendonsa thaj pyskolongosa. Zanes tu chi trobuj chire shavores specialno zutipe, atunchi si te phenes kado ande chi applikacia paj ek than ande przedshkola. E przedshkola vi kheren buchi khetanes kusa barnhälsovård, socialtjänst, biblioteki, grundoske shkoli thaj kaver organizaciensa kaj si le kontakto shavorensa thaj familjensa. O foro Göteborg thaj o Västra Götalandsregionen dej tu chansa kaj inpsiracia thaj zutipe sar dat vaj dej, sar exemplo pa khidimata kaj shaj les zutipe, vaj supporto katar jek socionomo. Ginav majbut so si ande chiri territoria po goteborg.se/foraldrastod.

Tystnadsplikt (nashtik vorbisaras majdur) thaj anmälningsplikt (musaj te das opre)

Intregi zene kaj kheren buchi ande przedshkola si le tystnadsplikt kado znachij ke nashtik den avri personalno informacia pa chiro shavoro majdur manushenge kaj naj le prava te djanen kado. O personalo vi si le anmälningsplikt pala zakono ando socialo vaj socialtjänstlagen. Kado znachij ke intregi kaj kheren buchu kusa shavora thaj terne manush musajij lenge te den opre ando socialo te zanena vaj gindona ke varesave shavoreske naj mishto.

Intregi shavora si insurovani/försäkrade

Intregi shavora thaj shkolake studentura kaj si skirime ando Göteborg si insurovani/försäkrade karing axidentura 24 chasura ando djes zi kaj penge 17-bersh, vaj sode vrama phiren ande gymnazia. O insuranso/ försäkring si ferik pe axidentura. Ginav majbut pa shavorenge – thaj studenetonge insuransura/försäkringar po goteborg.se/forskola.

Love pe przedshkola?

Sako shon pochines tu jek pochinipe pa than ande przedshkola. Sode tu si te pochines si shutino pala sode love tume zarobin vaj tumaro inkomst ande familja vaj ando kher. Tu shaj des thaj pharuves informacia pa sode love tume zarobin, thaj shaj les informacia sar ginavas avri sode si te pochines po goteborg.se/forskola.

Przedshkolaki administracia

E przedshkolaki administracia vaj Förskoleförvaltningen sar kaj bushon si le reponsibilita pe cirka 360 komunalni przedshkoli, 40 familjenge khera thaj 21 phuterde przedshkoli pe cirka 25 000 shavora ando Göteborg. E administracia si vi e responsibilita te dikhen pherdal phuterde vaj fristånde przedshkoli thaj familjenge khera. Totalnie kheren cirka 8 900 zene buchi ande administracia. 


Informationsbroschyr på lovari

Kontakta förskoleservice

Har du synpunkter eller frågor om förskolan så kan du kontakta förskoleservice.

Telefon och e-post

Telefon
031-365 09 60
Kontaktformulär

Ställ en fråga eller lämna en synpunkt.

Fyll i din e-postadress om du vill ha svar.
Ställ en fråga eller lämna en synpunkt. Beskriv ditt ärende så detaljerat som möjligt. Max 5000 tecken.
Göteborgs Stad behandlar dina personuppgifter i enlighet med bestämmelserna i dataskyddsförordningen, DSF. För mer information, se Så här behandlar kommunen dina personuppgifter.

Besöksadress

Gamlestads Torg 5

[{ "type":"Feature", "geometry":{ "type":"Point", "coordinates":[12.004993970299916,57.727959886790366] }, "properties":{ "title":"Förskoleservice", "content":"Gamlestads Torg 5" } }]

Postadress

Box 1116
405 23 Göteborg

${loading}