Om förskolan på kelderash
Här hittar du informationsmaterial om förskolan på kelderash.
Šukares akhardo! Kai angluni škola!
Lašo djes!
Te les tut ande angluni škola si jekh nevi thaj laši vriama tuke thaj vi ča glatake. Ame ažukeras ke si te avel tumenge
jekh drago, pačaki thaj sičarimaski vriama sa la familjake.
Ande kado ramomos čidam ketane informacia thaj lašo konsiljo kai šai del tumara familja jekh lašo drom.
Te si tut pušimata šai des duma le ženenca kai či angluni škola.
Šukares akhardo!
Le glatengo sičaripe thaj vazdipe ando maškar
Ande angluni škola sičol čiri glata neve djeli thaj vazdelpe le khelimasa, kerdimasa thaj rodimasa korkoro jekh ženo,
ande grupa thaj ketane le mai phurenca.
Ande angluni škola zjal sičaripe kai del stimulacia thaj kerel te roden mai dur le glati. E edukacia del avri katar
la školako sičarimasko plano. Khelimasa las sama te šai uštavas le glatengo kuriosita thaj maro te sičon.
Le glatengo intereso thaj trubupe naližil sar ame planisaras e edukacji. Šai djines mai but pa la školako sičarimasko
plano po Skolverkets weboski rig. Ande kado plano si naprimer mai but informacia pa la školako gol thaj tsego.
Sa le glaten si sa jekh čačimata
Sa le glaten si len čačipe te avel len jekh hodinime trajo, te na avel diskriminacia thaj prasajimata. Ame zurales keras
buči pe le glatenge čačimata thaj te zjas kontra pe sa le prasajimata.
Kana lelpe či glata ande angluni škola
E pervo vriama ande angluni škola lelpe kusa jekh introdukcia te šai biris tu thaj či glata te avel tumen posibilita te prinžaren le školaren, la škola thaj le buča. Tela kadia vriama te si tut pušimata šai pušešs katar le školaria thaj šai phenes so trubul ča glata.
Pala kudo si tut posibilita te vorbis le školarenca kai keren buči kai angluni škola. Katka telal si exepluri so šai ažukeres tuke.
- Djeseske čidimata – Skurto vorbipe pa ča glatako djes. Le tuke vriama kusa le školerenca te kamesa te des duma mai but.
- Vazdimasko vorbipe – Pa ča glatako mištipe, trubupe, vazdipe thaj sičaripe.
- Niamongo čidipe – Informacia pa la školako tsego, gol thaj aktualnio projekturi.
- Školake pušimata – Jekh data o berš avel tuke enketo kusa pušimata pa so aliares pa e angluni škola. Čire atveturi žutil amen te vortos thaj te vazdas e aktivitacia.
Praktisko informacia
O xabe ande angluni škola
Ande angluni škola podajis diminaciako xabe, mizmeresko xabe thaj maškaruno xabe svako djes. O xabe lelpe pala o Livsmedelsverkets konsiljo kašte te šai avel le glaten jekh sastimasko xabe svako djes.
Ame podajis xabe kai si andre but zelenimata thaj malade fruti thaj zelenimata pala e vriama.
Trubul ča glata specialnio xabe?
Atunči trubus te mukhes informacia pa ča glatako trubupe pe webboski rig: goteborg.se/matiforskolan.
Gada pala e vriama
Ande angluni škola sam but avri thaj anda kudo si importanto te avel ne manušes gada pala e vriama. Mišto si te len pesa extra gada ande angluni škola kašte či glata kana godi te avel konforme.
Sodi kerel o than ka škola?
Svako šion pučines jekh pučin anda ča glatako than. E počin naližil pala sodi love les andre. Vi kudolako/
kudolesko love djindjol kai trajil tusa makar ke naj von čače niamuri le glatengo.
Tu san responsablo te trades andre le čače rama thaj importanto si te phenes te si ke parudjila e situacia
ande la familjaki ekonomia vaj buča vaj te si ke muklan tume vajke trajin ande jekh than, so mai sigi daštin. Te
si ke naj tumen jekh taksime saleri šai ramos 0 (zero).
Mai but informacia arakhes ando: goteborg.se/forskoleavgift.
Puterimaske djesa
Tela milaj phandaven but anglune školi. Te trubula čira glata škola tela kudia vriama si uni anglune školi puterde tela milaj. Štarvar o berš si la škola studimaske djesa. Atunči e angluni škola si phandadi thaj či glata si libro. Te si ke
naj tut posibilita te bešes khere, atunči či glata šai žal kai jekh škola kai si puterdi vi tela le studimaske djesa.
Tu šai arakhes aktualnio vakans thaj studimaske djesa po: goteborg.se/forskola.
Apuri kai vušuril o djes
Unikum Familj
Ando apo Unikum Familj šai dikhes ča glatako djes, vazdimos thaj šičarimos ande angluni škola, direkto ando telefono. Avel tuke mesažuri pa so kerdjolpe ande angluni škola thaj kaver importanto djeli kai trubul te žanes.
Le tele e Unikum Familj po Apo Store vaj Google Play vaj po webo start.unikum.net.
IST Home Skola
Pher andre čire glataki vriama ande angluni škola ando apo IST Home Skola. E vriama kai pheres andre le tu
pala či buči, rodes buči vaj niamongo libirimos (inklusivno tradimaski vriama).
Le glatengi vriama trubul te lel pe pala kana putrel thaj pandavel e škola thaj kana keren buči le školaria. Te trubula te paruves e vriama šai keres kado ando apo o mai čira duj kurke mai anglal. Te na desa ando gor le aposa šai
mukhes jekh ram kai e škola. Činore parujimasa šai keres jekh djes mai anglal. Kana tu san libro vi či glata si
libro.
Te nasfavola či glata
Či glata trubul te avel sasti te šai biril te khelelpe thaj te avel ande le aktiviteturi ande škola. Kana či glata si nasfali trubul sar mai sigo te des duma kai škola. Mar vaj ker jekh sms thaj ker registracia ando apo IST Home
Kana trubul či glata te bešel khere?
- Te si ke le školaria dikhen ke e glata pra čini la vaj pra kovli te šai kerel la školake aktiviteturi.
- Kana si žaro – e glata trubul te avel bi žarosko o mai čira 24 časuria » Nasfalipe kai perdjol.
- Kana si pajasle reni vaj eksema – e glata šai avel palpale kana sučile le reni.
- Djijesko nasfalimos thaj šaglimata vaj diarea. E glata trubul te xal normalnio thaj te avel sasti ande o mai čira 48 časuri.
- Phen amenge kana si te avel palpale či glata kai škola, te šai dikhas te si dosta školaria po than.
Angluniškolaki administracia lel pe pala Vestroski Gotathemeski regiaki rutini pa vuzipe.
Jekh lašo teliarimos angla škola
O rodimos sikavel ke e edukacia ande angluni škola si defial importanto ande le glatengi škola. Ande jekh khelimasko gor le glati vazden peske haliarimata ande naprimer le šiba.
Le studiuri sikaven ke le glati kai gele ande angluni škola si len jekh hazna ande šiba thaj matematika kana len pe ande škola.
Ande angluni škola sičon le glati kado:
- kolaboraciona
- hulaven djeli
- lašaren problemuri
Kolaboracia pe le glatengo mištimos
Sa le glaten si le šajipe te vazden pe thaj te avel lenge mišto ande angluni škola. Ande angluni školaki administracia si specialpedagoguri, logopedaguri thaj psykologuri thaj ame keras buči kusa o BVC, o socialio thaj kaver aktiviteturi kai si kontakto le familjenca.
Žutipe kai familji
Kames te zuriares e relaciona čira glatasa vaj trubul tut žutimos ando dadipe?
ABC-malajimata thaj kaver kursuri den tipsuri, ketanipe thaj konsiljo – digitalnio vaj po than. Djin mai but
pa so si paša tu ando: goteborg.se/foraldrastod.
Univar trubul le familjien thaj le glaten mai žutimos, naprimer kana si pa le glatengo vazdimos thaj sastimos. Te si ke kai či glata si mai but djeli katar mai but aktivitecji atunči šai si tumen čačimos kai jekh SIP (ketane individualnio plano). Puš katar o baro la školako.
Ande angluni škola naj voja te purinas avri variso
Sa le žene kai keren buči and škola naj voja te purin thaj te hulaven avri personalnio informacia varikasa avrial.
Sa le glati si surancime
Sa le glati ande angluni škola kai si ramome ando Göteborgo si surancime pe aksidanturi 24 časuri. E suranca si ferdi pe aksidanturi. Djin mai but pa glatengo- thaj studentonge suranci ando: goteborg.se/forskola.
Informationsmaterial på kelderash
Kontakta förskoleservice
Har du synpunkter eller frågor om förskolan så kan du kontakta förskoleservice.
Telefon
- Telefon
- 031-365 09 60
Besöksadress
Gamlestads Torg 5
[{
"type":"Feature",
"geometry":{
"type":"Point",
"coordinates":[12.004993970299916,57.727959886790366]
},
"properties":{
"title":"Förskoleservice",
"content":"Gamlestads Torg 5"
}
}]
Postadress
Box 1116
405 23 Göteborg
405 23 Göteborg
Skicka din fråga till oss
Använd vårt kontaktformulär för att få hjälp med din fråga.
Kontakta förskoleservice