Om öppen förskola på kelderash

E puterdi angluni škola si jekh maladjimasko than le phurenge thaj vi le glatenge, de katar so arakhadjol e glata ži kai lel pe ande škola.

Kača si jekh puterdi angluni škola

Pe puterdi angluni škola šai maladjos kavre glatentca thaj phurenca te khelentume, bavintume, thaj te djilaben vaj variso.Tu thaj či glata san ketane thaj tu sar mai phuro san responsablo anda čiri glata. Katka keren buči sičarde pedagoguri kai šai den tut žutipe ando dadipe.

Sa le aktiviteturi ande puterdi angluni škola si ivja. Šai aves thaj žastar sar tu kames kana si puterdo.

Djin mai dur pa le puterimasko časo thaj pa le aktiviteturi and svako puterdi škola

Kado kerdjolpe ande puterdi angluni škola

Ame šinavas tumenge aktiviteturi te biris tu thaj či glata te uštaven jekh intereso thaj jekh truš te sičon. E vizita amende si sar jekh preparaciona angla en angluni škola. Ande le mai but aktiviteturi šai ferdi te aven kana kamen, numa kai uni trubul te meldujis tut mai anglal.

Exemplo pa so šinaven le anglune školi:

• Djilia- thaj paramiča djilianca, ramsuri thaj djinipe te šai barion le glati ande peski šib.

• Lokaluri kai miazon pe angluni škola thaj birin te del stimulancia ande le šavorengo vazdipe, naprimer sobi kai šai keren variso anda le vast, sobi kai šai anzaren- thaj khelen rola. (skapa)

• Čidimata ande tema pa naprimer sar si kana les tu ande angluni škola, sigurida ando trafiko, dandengo sastipe, šibako vazdipe, xabe thaj lindri.

• Khelimos avri thaj phirajimos.

• Kursuri, naprimer bebetongo masažo, šibako treningo mai anglal sar o SFI thaj dadimasko žutipe sar o ABC.

Mišto te žanes mai anglal sar či vizita

Kafa thaj čajo si te čines kotse kai angluni škola.Te kamesa šai les tusa variso te xas, numa pala le but alerži kai si naj slobodo te les variso kai si andre akhor, mandelo vaj sesamo.

Ažukeras savoren kai si saste. Ketane trubul te keras sa so birisaras te šai xancaras o risko te šai pherdjonpe le nasvalimata, naprimer te les sama te xalaves le vas vorta.

Familjako žutipe

Ame kai keras buči ande puterdi škola si amen jekh pedagogisko edukatcia. Ame šai das konsiljo thaj žutipe kruglom le šavorengo vazdipe thaj ande čiro dadipe.

Ande puterdi angluni škola ame keras buči pe sama le familjenge. Kado snačil ke ame keras ketane buči kusa e glatengi recepcia, le glatengo arakhajimasko centralo (BVC) niamongo žutori, bibliotikario thaj e angluni škola.

Djin mai dur pa sosko žutipe si pel niamuri pe čo gor ando goteborg.se/foraldrastod

Dirižime vriama (riktade tider)

Pe duj puterde anglune školi si amen dirižime (riktade) vremi le arkoskefamiljenge (regnbågsfamiljer) ke faima si varikon ande familja jekh HBTQ manuš: 

• Öppna förskolan Sannegården
• Öppna förskolan Draken

Djinav mai but pa e puterdi  angluni školaki buči

Göteborgs Stads riktlinje för öppna förskolan.