زۆرێک له‌سویدیان ده‌خوازن په‌یوه‌ندیان له‌گه‌ڵ په‌ناهه‌نده‌کاندا هه‌بێت. گه‌ر تۆ ده‌خوازیت په‌یوه‌ندی له‌گه‌ڵ سویدیاندا بگریت (به‌ته‌نها یان له‌گه‌ڵ خێزانه‌که‌تدا)؟ ئه‌وا ده‌توانن چاوتان به‌یه‌کتر بکه‌وێت و ئاشنایه‌تی له‌‌گه‌ڵ یه‌کتردا په‌یدا بکه‌ن له‌پڕۆژه‌ی گایدی (ڕێبه‌ری) په‌نا‌به‌راندا - که‌ڕێگایه‌که‌بۆ نێو سویدیان و فێربوونی زمانی سویدی.
پڕۆژه‌ی گایدی (ڕێبه‌ری) په‌نا‌به‌ران شوێنێکی به‌یه‌کگه‌یشتنی ئاره‌زوومه‌ندانه‌یه بۆ سویدیان و په‌ناهه‌نده‌کان که‌له‌وێدا به‌یه‌کتر ده‌گه‌ن وه ئاشنایه‌تی له‌‌گه‌ڵ یه‌کتردا په‌یدا ده‌که‌ن . مرۆڤ ناوی خۆی ده‌نوسێت و به‌که‌سێکی گونجاو ده‌ناسێنرێ ئیدی (پیاو- پیاو، ژن - ژن، خێزان - خێزان) له‌سۆنگه‌ی (ڕوانگه‌ی) ئه‌و شاره‌زایی و ئاره‌زووه‌هاوبه‌شانه‌ی له‌نێوانیاندا هه‌یه‌. مرۆڤ له‌کاتی ده‌ستبه‌تاڵیدا په‌یوه‌ندیه‌کان دروست‌ده‌کات. جا وه‌ختێک مرۆڤ کاتی ده‌بێت (ئاره‌زووبکات) چاوی به‌یه‌کتر‌ده‌که‌وێت (دوو جار له‌مانگێکدا بۆ‌ماوه‌ی ساڵێک)، هامووشۆی یه‌کتر ده‌که‌ن و شتێک ده‌دۆزنه‌وه‌پێکه‌وه‌بیکه‌ن. مرۆڤه‌کان پێکه‌وه‌بڕیارده‌ده‌ن و یاریده‌ی یه‌کتری ده‌ده‌ن بۆ ئه‌وه‌ی په‌یوه‌ندیه‌کان بۆ هه‌ردوولا باش بن. په‌یوه‌ندیه‌کان پشت ده‌به‌ستن به‌ئاره‌زوومه‌ندێتی و ڕێزگرتنی ‌دوولایه‌نه‌هه‌روه‌ها ڕاستگۆیی. بۆ ئه‌وه‌ی ناوی خۆت بنووسیت پێویست ده‌کات که‌مێک سویدی بزانیت (لانی که‌م SFI ئاستی B) وه‌ئاره‌زووی هاوڕێیه‌تی بکه‌ی له‌گه‌ڵ سویدیه‌کاندا هه‌روه‌ها ده‌بێت تۆ له‌نزیکی یۆتۆبۆری بژیت و ئیقامه‌ت هه‌بێت. به‌خێربێن!
031-367 9167,  031-367 9168  www.goteborg.se/flyktingguide  ته‌له‌فۆن/ ناونوسین